പുലിയൂർ: ചെങ്ങന്നൂർ, പുലിയൂർ മാർ ഈവാനിയോസ് ലോ കോളേജിൽ, പഞ്ചവത്സര ബി. എ. എൽ. എൽ. ബി, ബി. കോം. എ. എൽ. എൽ. ബി കോഴ്സുകളുടെ 2025-26 അധ്യയന വർഷ ഉദ്ഘാടനം നടന്നു. മുൻ പോലീസ് മേധാവിയും, കൊച്ചി മെട്രോ മാനേജിംഗ് ഡയറക്ടറുമായ ലോകനാഥ് ബെഹ്റ ഉദ്ഘാടനം നിർവഹിച്ചു. ടെക്നോളജി പഠിച്ച തനിക്ക് നിയമം നടപ്പാക്കാനുള്ള ചുമതല കിട്ടിയപ്പോൾ അതിനുവേണ്ടി നിയമം പഠിച്ചയാളാണ് താൻ എന്ന് ലോകനാഥ് ബഹ്റ വെളിപ്പെടുത്തി. മാവേലിക്കര ഭദ്രാസനാധ്യക്ഷൻ മോസ്റ്റ്. റവ. ഡോ. മാത്യൂസ് മാർ പോളികാർപ്പോസ് മെത്രാപ്പോലീത്ത അധ്യക്ഷത വഹിച്ചു.
മാവേലിക്കര ഭദ്രാസന വികാരി ജനറാൾ മോസ്റ്റ്. റവ. മോൺ. ജോബ് കല്ലുവിളയിൽ, ഡയറക്ടർ റവ. ഫാ. റോബർട്ട് പാലവിളയിൽ, പ്രിൻസിപ്പാൾ ഡോ. ഗിരീഷ് കെ. പിള്ള, പി. ടി. എ. അംഗം ജയൻ എടക്കാട് എന്നിവർ ആശംസകൾ അറിയിച്ചു. ഉദ്ഘാടനത്തോടനുബന്ധിച്ച് വിദ്യാർത്ഥികളുടെ വിവിധ കലാപരിപാടികളും അരങ്ങേറി. ചടങ്ങിൽ അധ്യാപകർ, അനധ്യാപകർ, വിദ്യാർത്ഥികൾ രക്ഷിതാക്കൾ എന്നിവർ പങ്കെടുത്തു.
